啜核金句王

馮盈盈導彈亂射 麥明詩都喊驚！

藝人麥明詩將與馮盈盈前往荷蘭拍攝旅遊節目，她直言最怕奔放的盈盈會失控，故已提前要求分房瞓：

「驚佢全裸我又盲，佢講嘢大聲我又聾。」

花生友：點解盈盈全裸，你就會盲呢？唔通佢嘅身材係攻擊性武器？

薛家燕拍拖鹹鹹哋

薛家燕最近忙為演唱會Keep Fit，坦言戒口期間都要滋潤，記者取笑：「有愛情滋潤咪得囉！」她即笑說：

「唔好諗鹹濕嘢呀！（同男友做運動？）佢鍾意打籃球，走嚟走去，我只能夠坐喺度射咋喎！」

花生友：喂喂喂！你叫人咪亂諗，但自己講得仲「有骨」喎！

王梓軒「神算」再現

因在節目上計數計到亂晒龍而被封「神算軒」的王梓軒，在綜藝節目《娛樂大家》再發揮「神算」功力，九唔搭八地自問自答說：

「我網上買嘢，一條裙幾多錢？1…2…3…300蚊！」

花生友：係咪銀行啲錢多到計唔到，所以個腦成日咁混亂呀！

薛家燕

王梓軒