林峯拍到上腦掃樓以假亂真
藝人林峯相隔5年再演港劇，首次穿上紀律部隊制服演戲的他格外熱血，笑指拍攝期間當自己「正在執行任務」。身為女主角的蔡卓妍缺席啟播記者會，但仍拍片隔空為劇組打氣，認真Warm爆！
由林峯、蔡卓妍（阿Sa）、方中信、譚耀文、石修及林雪等演出的英皇投資網劇《PTU機動部隊》廣東話版，被安排於「黃Viu煲劇平台」推出，昨午台前幕後於北京舉行盛大發布會，場面相當熱鬧！這部被視為「年度超級網劇」的製作，故事講述臥底警員高家聲（林峯飾），搗破黑幫組織後重返警局並加入PTU，與沙展何慧玲（蔡卓妍飾）及鐵面無私的隊長劉建暉（方中信飾）經歷連串誤會，建立起感情的故事。
相隔5年再拍港劇，林峯覺得意義非凡：「呢部劇係我入行21年嚟首部以制服示人嘅時裝劇，其實我一直好希望有機會着呢件制服，今次終於有機會喇！每場戲同所有PTU隊員一齊出去做嘢，基本上已經進入咗角色，尤其我哋拍外景、喺街巡邏嘅時候，我可能真係當咗自己係警務人員。記得有次我哋拍『掃樓』時，碰到真警察喺度執行任務，佢哋見到我哋都覺得好奇怪，以為真係有另一隊人喺度，後來搞清楚先知係拍戲。」他又大讚製作團隊認真，配套十足。
阿Sa隔空打氣
至於女主角阿Sa因事未能出席記者會，今次是她首次參與在港拍攝的電視劇，為隆重其事，她特地拍下錄像為劇組打氣：「今天很遺憾不能來到現場，但是在我們劇裏面的顏值擔當，都在現場跟大家交流。」
而老戲骨林雪過去曾憑電影《PTU》於《第9屆香港電影金紫荊獎》勇奪最佳男配角，闊別10年再演出「PTU」題材，令不少網友期待。