林嘉欣母女行善被囡囡畫作嚇親
藝人林嘉欣與兩個囡囡推出限量版愛心手工朱古力曲奇禮盒，部分收益會撥捐慈善用途，日前她安排與二十位公公婆婆到酒店享用下午茶，提前慶祝母親及父親節。嘉欣安排囡囡畫畫，再將畫作放在禮盒包裝上，藉此提醒她們關心別人及珍惜食物：「我哋屋企有規矩，每餐如果有食剩嘅餸菜，嗰餐就冇甜品食，下一餐仲要食番之前嘅剩餸，訓練佢哋每餐都食得乾乾淨淨！」
現場嘉賓看到嘉欣囡囡筆下的卡通畫作頻呼可愛，她則說剛看到畫作時嚇了一跳：「佢哋筆下嘅媽媽好多髮型同造型，又好國際化，有金頭髮亦有白髮婆婆。畫爸爸就好搞笑，全部係瞓覺樣！」之後嘉欣與公公婆婆玩遊戲，拍照及在相片上簽名。
