王君馨生日傷趾公老公冧招呵番！

王君馨生日本來開開心心，可惜開工整傷腳趾公，老公當然心痛。

無綫劇集《鐵探》演員袁偉豪、梁競徽、王君馨、蔣祖曼、白雲、余德丞、方紹聰等昨日到銅鑼灣宣傳，白雲拋胸成功搶鏡！君馨前日33歲生日，早前已與老公在香港歎Spa慶祝，生日當天拍完新劇《唐人街》收工返家，發現老公繼續送上窩心驚喜，她說：「開完20幾個鐘頭工，朝早六點幾返到屋企見到好大束花，仲準備咗啲食物喺雪櫃，好窩心！」不過，當日她開工卻腳趾公受傷：「拍攝吊威吔戲時，驚撻傷尾龍骨，變咗成個人坐住隻腳，結果整傷左腳腳趾公，仲要去睇脊醫。」她又指會慢慢調理身體及心情準備生BB，預計一兩年之後。另方面，鍾嘉欣帶同女兒Kelly為她慶生，十分Sweet。

袁偉豪讚鄧佩儀清純

對於鄧佩儀被指「進擊」人夫周柏豪並傳出緋聞，袁偉豪（Ben）認為不需要因報道而避嫌：「Gloria（鄧佩儀）係個好清純嘅女仔，佢喺外國長大，個人好簡單，我哋都幾Friend，佢對我都好熱情，經常叫我做前輩，我唔覺得佢係太過主動嘅女仔。」Ben剛由哥倫比亞拍攝完節目《打工捱世界III》外景回港，他自嘲年紀大，拍得比上兩輯辛苦，除坐了11次飛機，旅途還暈車浪，深入180米深的礦場拍攝揼石仔，手腳被蝨咬到紅腫滿布粒粒。

白雲（左）、楊潮凱及何佩珉齊做掌上壓！	白雲單手掌上壓搶晒鏡。	袁偉豪去完哥倫比亞拍外景，大嗌辛苦。