王致狄發號施令怒睥沈可欣

藝人王致狄憑處境劇《愛．回家之開心速遞》的「鐵面陳」一角為人熟悉，與「Rebecca」沈可欣的感情線備受關注。他透露早前拍攝一場與「威龍保安」的食飯戲份，雖然情節簡單，卻印象難忘：「場戲係講Rebecca一個人霸咗張八人枱，而我哋保安六子就被迫屈喺張二人枱食飯。本身以為食飯戲冇乜特別，但最搞笑係我哋六個人逼埋一齊，除咗邊食邊仇視Rebecca，同時要表現出我哋保安部嘅紀律，所以我哋就分咗兩批人，當三個人烏身夾餸時，另外三個人就要企起身仇視Rebecca，我仲負責發號施令，所以大家都要夾到好齊，出嚟個效果都好搞笑。」又指與「保安部」合作已久默契十足，所以事前只花了十分鐘綵排。