劉思希3日2夜快閃遊中東
無綫「學霸」劉思希除了忙拍處境劇《愛．回家之開心速遞》，又要抽時間修讀香港科技大學的EMBA（行政工商管理碩士）課程，早前更到中東的以色列修讀海外選修課程。完成課程後，她即興闖沙漠，3日2夜玩盡以色列、死海及約旦，雖然行程超濃縮，但已令她大開眼界。
Day1指定動作睇雜誌：
劉思希在以色列修讀EMBA海外選修課程後，因要趕回港工作，故只能多留三天。她即興相約同學四處遊覽，行程超趕：「第一日由以色列去死海逗留咗一晚，一般人會坐飛機去約旦，但我哋計劃過可以坐車，第二日就去約旦，直接去瓦地倫沙漠住一晚，跟住就由約旦返香港，係超級濃縮，但係好精彩。」
死海位於以色列、約旦和巴勒斯坦交界，由於海泥礦物比較豐富，深受遊客歡迎。不過死海卻是世界上最低的湖泊，海拔負424米，故劉思希表示由以色列特拉維夫駕車到死海時，耳朵有點痛，但抵埗後見到靚景，即時掃走不適感覺：「去到死海終於一償心願，就係感受死海嘅神奇漂浮感覺，當然要做指定動作，喺海上睇吓雜誌、曬太陽啦！」
Day2帳篷酒店設施齊全：
行程第二日，劉思希一早由陸路前往約旦，抵埗後再轉車前往瓦地倫沙漠，她說：「見到導遊架車，我個心都離一離！雖然一早有心理準備沙漠會好曬，但冇諗過導遊咁貼心，為咗我哋能夠體驗沙漠生活，竟然安排咗架開篷越野車嚟接我哋，一定曬到變朱古力。導遊仲笑我哋誇張，咁辛苦嚟到只係留一晚，體驗到佢哋嘅阿拉伯童話《一千零一夜》，哈哈。」
去到沙漠，劉思希入住一間新開的帳篷酒店，雖然外表簡陋，但設施非常齊全，她笑言每間房都有獨立洗手間，在沙漠來說非常奢華：「喺沙漠夜晚係超級凍，好彩酒店準備咗毛皮大衣畀我哋披住。食完晚飯，我哋就喺沙漠圍住火堆坐，成班同學一齊睇星星，好有一千零一夜feel。」
Day3穿過峽谷闖古城：
行程最後一日，劉思希參觀世界七大奇景之一的佩特拉古城，該古城建於公元前3世紀，位於阿拉伯東側的一條峽谷內，被指是古代納巴特王國的首都。由於該處入口是一條長長的峽谷通道，所以直到1812年才被世人發現，她說：「古城好壯觀，唔怪得《變形金剛》都喺呢度取景，參觀完古城我就返香港。今次3日2夜行程幾辛苦，本來冇諗住去，但有同學話組織咗個『勇闖沙漠之旅』，心諗我以前同朋友係唔會去，要一大班人先做到，於是臨時決定參加。因為大家都有工作，只能留3日，行程真係用到盡，係一次好難忘嘅旅程。」