新演員栢天男早前飛往西澳拍攝手機廣告，起行前早已聽聞當地有很多烏蠅，其中一站還未落車，工作人員已嚴陣以待，全身包得密不透風，他說：「超級多烏蠅，我嘅背脊已經聚集咗幾十隻，即刻覺得自己變成一張烏蠅貼，但我仲要拍攝，睇到烏蠅不停喺面前飛來飛去，都要扮若無其事，有次講緊嘢仲有烏蠅飛入口，因為未停機只好扮冇事。」
