簡淑兒上郵輪驚見醉酒佬開拖
藝人簡淑兒昨日現身鑽飾品牌店開幕禮，透露現時回復自由身，自己傾工作及價錢，正物色經理人：「之前拍劇、唱歌同主持，嚟緊想集中做演員。（簽無綫經理人成數高？）都有傾，所有嘢都未定，不過今個月會決定晒。」她又透露早前與老友陳婉衡旅遊，期間在郵輪遇上醉酒佬打架，嚇了一驚。
張珮汶唔捨得B女
至於早前剖腹產女、首度亮相的張珮汶，表示女兒已兩個半月，眼見樣貌愈來愈似自己，不捨得離開她半步：「出世時囡囡同老公成個餅印咁，只係腳趾似我，但佢個樣每日都變緊。（收身收成點？）好在收得番，仲差4磅，生完之後盆骨又大咗！」問到會否再追多個？她笑言要待回復昔日身形再計劃，那會否復出工作？她說：「冇諗，依家全力湊小朋友，離唔開佢，老公都呷醋。（唔驚老公趁機作反？）唔會，佢好好，好錫個女嘅！」
