黎耀祥內地登台「響朵」

藝人黎耀祥剛於內地登台返港，去完順德再去福州，在內地有一定市場的他甚得客戶歡迎，他受訪時說：「內地市場又大，都有啲活動做吓，趁未開劇咪接啲工作做。喺內地曝光多啲，對自己都有幫助。」又指福州最出名是福州魚蛋：「嗰啲魚蛋好大粒，裏面有啲豬肉，我都係第一次食。去到順德，活動嗰度係二手車場，有幸見到一啲我哋拍民初電視劇先見到嘅古董車同名車，算係大開眼界。」