籌得百萬終極走數 肥媽提告文恩澄被拖糧11萬

文恩澄、龍小菌為晚宴開工，搞到負債纍纍及損失。

昨日肥媽表示下星期一會循民事作出起訴，之後或會告對方詐騙：「好唔抵囉，好彩有啲朋友直接將錢入咗防癌會度，如果唔係人哋斗零都冇，未見過咁衰嘅人！」

龍小菌墊支4萬凍過水

為晚宴執導拍攝宣傳片的前歌手文恩澄更搞到欠債纍纍，她說：「通常收到尾數先交片，但我有情講嘅，咪當自己蠢，畀人呃係我嘅事，但唔可以唔出糧畀人，要負呢個責任，因為當晚攝影師係我安排，連埋拍宣傳片，兩條數加埋11萬，搞到我要去銀行借錢交租，因為我追筆錢又超出小額錢債審裁處資格，都唔知可以點做，我一定追究到底，11萬對好多人嚟講係小數目，但對我嚟講係好大筆數。」

歌手龍小菌為該公司處理市場工作，被拖糧及墊支超過4萬元，她知道對方被很多人追討，但她沒有以法律途徑追討：「佢畀到就畀，我遇到呢啲情況唔多，表演完或者商業活動走咗數都會有，但呢個係誇張，唔知佢哋將啲善款攞咗去邊運作，又拖員工糧，我工作好忙，冇花心機去追番。」

龍小菌	肥媽墊支40幾萬，決循法律途徑解決。