陳苑澄懶理負評：我又唔係十惡不赦！

24歲落選港姐、前組合As One成員陳苑澄（Tania）接受東網節目《娛場》訪問，去年因追捧潮流拍「Kiki Challenge」惹來網民炮轟，引起熱議。當初Tania加入女子組合As One，到參選港姐以來有不少負評，甚至被人用粗口人身攻擊。她坦言當時因為性格硬頸，愈被反對愈要加入As One：「當時好多人鬧我發明星夢，從小都係好多人唔睇好我，正正係啲人反對，我諗都冇諗就簽合約。」不過，她懶理負評，更坦蕩蕩面對過去：「我冇往事唔可以提，每個人都有過去，我以前又唔係十惡不赦，又冇做姦淫擄掠嘅事，全部都係美好嘅回憶。」