馬國明與黃智雯捱熱着長袖拍外景。
黃心穎因偷食事件付出沉重代價，工作全面停頓外，連原定逢周六下午重播她有份主持的遊戲節目《我愛香港》亦突然腰斬，據知其中一集就是許志安與黃心穎同場玩遊戲，相當應景，無綫亦證實改播節目《快樂聯盟》，以行動徹底「肅穎」，令她全面「消失」。事件受害者馬國明昨日與拍檔黃智雯（Mandy）為新劇《降魔的2.0》拍外景，對於心穎被拍得在家中嚎哭，馬國明封嘴，只說：「唔回應。（有冇聯絡？）冇回應。（傳心穎帶返屋企嘅係電台DJ劉翁喎？）都係冇回應。」
森美捲風波：太太信我
日前盛傳心穎曾帶電台男主持返家，期間態度親暱，「首當其衝」是曾合作的森美。森美繼日前作出澄清後，昨日出席公開活動時亦坦承受事件困擾：「我點諗唔重要，最緊要屋企人，太太信我，不過佢啲朋友都有問，個女又細，好擔心會影響到佢哋，所以要澄清，以後唔再評論。（有同心穎聯絡？）同佢家姐心美就有，工作上有接觸，心美有傳短訊同我講唔好意思，我叫佢好好照顧當事人，畀啲空間佢哋，而我只關心自己嘅屋企人，作為男人要保護佢哋。（今日澄清咗唔係你，又傳係劉翁？）自己鬆一口氣，太太笑容亦多咗。」
問到會否覺得食死貓？他續說：「有咁諗過，咁我係公眾人物，啲提示又似講緊我，不過最緊要身邊人明白。將心比己，我都明佢（劉翁）嘅心情，所以唔評論。」談到在節目中向太太示愛，森美說：「明白佢都好大壓力，佢係最關心我嘅人，成件事最擔心嘅人係佢。」
DJ劉翁妻：太睇得起我老公
劉翁（左）捲「上心穎屋企」事件，揭黃心穎也是其妻柳瑩（中）的朋友。
