BINGO出海影寫真
女子組合BINGO三位成員Carman、Odilia及Queena昨日到深水埗出席新歌《後街女孩》發布會，穿短褲騷腿跳唱。她們以跳舞快歌迎接夏天，覺得相當合時：「我哋都要Keep Fit迎夏天，Keep個身形去遊船河，可能互相影吓私人寫真。（唔影公開寫真？）我哋鍾意影相，但要睇公司決定。（性感尺度係點？）比堅尼都OK，但太性感又未必啱我哋，都係適合有型Show吓長腿。」
提到新歌MV點擊達24萬次，相當受歡迎，她們指MV以「食雞」遊戲做主題，吸引了不少Fans好奇點擊：「有3個男仔客串扮我哋，有好肥又有好瘦，我哋仲有揸真槍，模擬晒個打機畫面！」