胡蓓蔚放心老公日日愛回家
藝人胡蓓蔚及陳庭欣前晚為無綫節目錄影，對於黃心穎因偷食事件而未能與胡蓓蔚合唱，胡蓓蔚說：「公司不嬲都想搵好多藝人Crossover，又因歌曲版權問題，上星期先通知我要獨唱兩首歌。」談到與心穎的交情，她說：「認識，不過唔想再評論件事。（作為人妻，你對老公單立文好有信心？）20幾年前我連廣東話都未識，老公寫咗首歌《滿天飛》畀我，當時我唔識欣賞，直到後來練歌時先意會到老公寫嘅意境，佢話當時有少少鍾意我，所以作歌時腦海盤旋我嘅樣。」談到老公外形不羈，她笑說：「所以人不可貌相囉！佢日日喺度《愛．回家》。」
