受雷暴天氣影響Ed尾場騷被迫取消

前年因傷取消來港表演的英國唱作男歌手Ed Sheeran，前日在迪士尼樂園露天場地展開一連兩場戶外騷，吸引藝人莊思敏、許家傑及溫家偉捧場。Ed於騷上自彈自唱Hit歌《Thinking Out Loud》、《Photograph》與《Shape of Me》等，引來全場大合唱。他唱歌之餘不忘搞笑：「開騷咁多次，多數得2%嘅人唔太興奮，包括陪女友睇騷嘅男友，同埋陪仔女嚟嘅老竇，而佢哋知道現場冇酒飲實好失望！」又自爆曾與父親睇騷，但對方怕完騷後難搭車，想提早離場，但他堅持要聽埋Encore。而為Ed擔任暖場嘉賓的日本樂團ONE OK ROCK主音Taka前日31歲生日，獲Ed帶領全場唱生日歌慶祝。另外，Taka與隊友慶生時，被「質」落大蛋糕上，場面搞笑。