李日朗被監視冇女埋身

藝人李日朗（Don）集歌手、演員及導演於一身，或會踏足美容界的他透露日前到日本公幹：「有朋友搵我合作搞面膜生意，所以專程到日本視察吓。未知投資幾錢，因為未成事，不過我已經帶咗一大批唔同功效嘅面膜返嚟香港，打算逐塊試吓，始終放喺塊面度，唔知會唔會敏感o架嘛，所以一定要試清楚！」問到是否貪靚之人？他坦言平日懶得美容，認為男人只要乾淨及整齊便可，但現時覺得時下男女都貪靚注重保養，所以面膜生意大有市場。