柯嘉琪捱通頂搞千人盆菜宴

藝人柯嘉琪（Kiko）去年與圈外友人Barry開辦活動策劃公司，密密接工作，早前就為慈善機構中華藝術文化協會舉行逾千人的就職晚宴。當晚有逾80位主禮嘉賓、官員、名人及藝人，盆菜宴約有100圍，因活動較為嚴肅，既安排奏國歌，亦有宣誓儀式，流程絕對要一絲不苟，事事親力親為的Kiko及Barry連續捱了多晚通宵，希望安排妥善，最後活動順利完成。Kiko說：「近一年安排過好多不同活動，每次都係學習，今次有亞視前公關黃守東幫手，大家交流咗好多嘢。而主持有我兒時偶像森美、小儀，因為時間緊迫，大家要喺車上對稿，佢哋好專業又有耐性。另外多謝一班藝人林夏薇、楊明、吳國敬、范振鋒、李思欣等出席支持。」