陳瀅食戀愛快餐 兩星期被狠飛

陳瀅與陳家樂在無綫劇集《廉政行動2019》中首次合作，因而變成好友，更傳出緋聞。對此，陳瀅只一笑置之，更指對方似弟弟，暗示不是她的茶：「我哋兩個好合拍，似好兄弟咁，雖然我細過佢，但佢似要我照顧嘅細佬，不過女仔當然係鍾意畀人照顧多啲啦。」

識三個月就拍拖

提到劇中她與家樂相識十年才醞釀出愛火，陳瀅斷言現實中這種情況絕不會發生她身上：「我係偏衝動嘅人，所以好多時都會錯。可能識兩、三個月就拍拖，試過拍咗一、兩個星期就分手，嗰次仲係我畀人飛。每次分手，我都會諗問題喺邊，每段感情都會令我更了解自己。」受過教訓的陳瀅學懂愛情急不來，要放慢腳步才能開花結果。

食鹹竹蜂手腳攝牙

雖然感情未有着落，但她今年實現了兩大願望，非常滿足：「一個係去到外國時裝周，另一個係去緬甸採訪。我覺得做藝人係個幾自私嘅行業，因為係宣傳自己，所以都想貢獻社會。」此外，她於劇中有多場飛車及落水戲，令她最難忘的一幕反而是吃東西：「我要食鹹竹蜂，食咗五、六隻，佢哋對眼好大，手腳都有毛，我要咬碎佢哋，食嘅時候鹹竹蜂嘅手腳仲會攝牙。導演好有義氣，佢話我食幾多，佢食幾多。」

陳瀅坦言最難忘在劇中，要食手腳有毛的鹹竹蜂。

陳瀅明言對陳家樂冇興趣。

服裝：maje

髮型：Larry Ho@il colpo

化妝：Vanessa Wong