陳茵媺妙計培訓自信寶寶
藝人陳茵媺與電訊盈科媒體董事總經理李凱怡小姐、電訊盈科媒體收費電視業務總裁蔡煒健先生，昨日在中環海濱出席Now TV全新親子服務組合發布會暨「童學玩動會」開幕禮，並為兒童醒獅進行點睛儀式，揭開活動序幕。席間，陳茵媺分享育兒心得，表示會放手讓小朋友嘗試，從而訓練他們的自信心，但身為媽媽難免緊張。
陳茵媺與老公陳豪最近到泰國蘇梅島旅行，原來是老公為她炮製的生日驚喜，認真恩愛！她說：「同老公去咗兩日，小朋友就奶奶睇住，本來都想去耐啲，但係又唔捨得啲小朋友。本來唔知嘅，老公諗住畀個Surprise我，但係旅行社經紀穿咗煲，佢之後先同我講。」說到上載泳照獲讚身材弗爆，她笑說：「好開心着到嗰套泳衣，阿Mo影得角度好。冇小朋友喺身邊可以着靚啲，大仔同個女鍾意我着得靚，二仔就保守啲。」
親子炮製彩虹蛋糕
她透露回港後與仔女一起親手做蛋糕，為老公慶生：「老公好鍾意我哋手造嘅禮物，覺得好有心思，今次係第一次整彩虹蛋糕，都有啲緊張，小朋友就幫手裝飾。」
長期誘惑老公
提到轟動全城的偷食事件，陳茵媺說：「作為藝人，私人生活往往變得好公開，自己係局外人，唔想畀咁多意見，火上加油，希望佢哋好好處理，希望佢哋好。」問到陳豪可曾受人引誘？她笑說：「我囉！因為我依家都仲當佢係男朋友。」問到會否管束老公約朋友？她笑說：「佢都係約我多，我都同佢一齊去。」
