黃心穎因偷食事件形象插水，連帶身邊人亦受影響。昨日「十優港姐」麥明詩出席活動，現場原定播放黃心穎家姐黃心美的宣傳短片，但遭大會臨時抽起，解釋是為免模糊活動焦點，才有此決定。
而同樣港姐出身的麥明詩揚言跟黃心穎不熟：「冇拍過劇，佢係我同事同師姐。（影響港姐形象？）外人冇資格評論，每個人都代表自己，將自己盡量做好啲。」另外，她表示自小被媽媽培養閱讀興趣，問到將來會否效法媽媽的教育方法？她說：「最緊要多睇多聽多講。（希望將來小朋友拎10A？）唔希望有咁嘅壓力。（驚唔驚變怪獸家長？）唔希望自己係，第時會搵媽媽幫手，咁我都唔覺佢係怪獸家長。」