飯敍現場合照 丁子高：同佢哋唔熟！

曾與安仔及黃心穎飯局的丁子高，昨日出席護膚品牌活動，回應時不欲多談：「嗰日朋友生日！我成日周圍飛，有時都參與唔到佢哋嘅飯局。（邊個帶心穎加入你哋？）唔清楚，同佢唔熟。人哋嘅事冇乜可以回應，交番畀當事人啦！」同場的藝人袁詠儀（靚靚）透露特別為性感打扮而小食多餐Keep Fit，又笑指丈夫張智霖身形似多啦A夢，飲食方面自制能力不足，記者即笑說：「佢其他方面自制夠咪得囉！」靚靚即「醒水」明白暗指許志安與黃心穎偷食事件，她說：「人哋嘅事唔講喇，係朋友就收聲。（擔心老公有飛來蜢？）我老公有講，話呢個世界冇話冇咗邊個唔得，唔係𥄫實就會冇事！我會充實自己，盡量自強。」直認與安仔老婆鄭秀文熟落，亦擔心對方的情緒。