趙式芝JW拍拖入馬場 認關係好穩定
名媛趙式芝與楊如芯早前驚爆已於去年結束7年同性婚姻關係，並有指趙式芝現與小學女同學JW蜜運中，除了在社交網的感情狀況列為「跟JW交往中」外，卻又稱彼此只是好朋友，之後又傳出JW本身有一名拍拖多年的女友，根本仍未分手，三角關係錯綜複雜。惟近日趙式芝與JW的關係明朗化，日前不但被拍得在上環十指緊扣兼撐枱腳，昨日更孖咇現身馬場，戀人關係正式公開！
昨日趙式芝以一身長裙打扮，偕新歡JW在沙田馬場觀賞賽事。作中性打扮、束短髮的JW不時邊行邊玩電話，與趙式芝如影隨形，即使有傳媒在場亦未有避忌。趙式芝接受訪問時，對於與JW連環被拍，問到關係是否已公開？她說：「都OK啦！好穩定，但盡量唔想咁高調，好似平時咁行街食飯睇戲，始終係兩個人嘅事。（今日有斬鑊？）我哋入去支持屋企人同朋友，開頭做咗少少善事（輸錢），之後JW同朋友夾份落注，贏咗少少買餸錢。」