古巨基側田輪住喊
歌手古巨基前晚進行《古巨基WE世界巡迴演唱會香港站PART2》第三場，基仔父母、老闆楊受成及太太、關智斌及衛詩雅等捧場。他向父母道出心聲，指工作忙而未能回家食飯，並感觸落淚說：「佢會話知道我忙，不過聽到我把聲就安心去瞓覺……」而嘉賓方力申在台上踢爆另一嘉賓側田在後台眼紅紅，側田坦認：「記得我嘅第一個工作就係唱和音，諗番起啲回憶都眼濕濕！」
基仔在後台受訪時表示做騷體力消耗大，因一套水晶衫重達80kg：「衫上面有2萬粒水晶石，着上身就好似陷入泥濘咁沉咗落去，全程孭住個青少年唱歌、跳舞咁，最後一套波鞋衫都係，咁重都着因為靚！」他又自爆第二晚完騷後腰部舊患隱隱作痛，要請醫師上門按摩。