曾志偉為傾偈分批慶生

昨日66歲牛一的藝人曾志偉，前晚於佐敦出席慈善素宴時笑說：「前日晏晝開始慶祝活動，食咗三、四個蛋糕，相信仲有排食！依家覺得分開約朋友可以傾多啲偈，唔好200幾個人都唔知邊個打邊個，我到8點幾又醉。」問到兒子曾國祥及「未來新抱」王敏奕有何表示？他說：「都係咁，佢哋成日唔喺香港，今年都分分鐘唔喺，但佢哋突然又會出現。（生日願望？）行得食得瞓得飲得。」此外，他表示今年素宴設47圍，已舉辦逾15年，曾為六至七間寺廟籌款，每年目標籌約500萬元。