林文龍爆翠如富貴 新樓盤睇啱就買
藝人黃翠如、林文龍、連詩雅及陳自瑤等前晚出席無綫劇集《致所有愛過的人》煞科宴，文龍自爆《致》是入行以來拍得最攰的劇集：「呢三個半月的確唔容易過，因為劇本先天不足，幕前幕後所有人都花咗好多心力、時間修改，拍嘅過程係好辛苦，但拍完又好唔捨得。」早前他開工被撞到頭頂現血痕，目前已康復中，慶幸不是翠如被撞：「可能佢會爆頭仲大鑊！」故翠如以「龍爺」來稱呼救命恩人。
文龍又踢爆翠如愛睇新樓盤，是他合作過最有錢的對手：「佢好留意新起嘅樓盤，鍾意就買一間，觀景台對面啲獨立屋。」翠如即急忙否認。
連詩雅做「早餐金主」
至於連詩雅之前曾客串《使徒行者2》，但她指《致》才是處女作：「今次戲份較重，又係主線故事，大家對足三個半月。」又自爆拍攝期間經常請大家食早餐，被取笑倒貼酬勞：「我哋講心唔講金！但又真係用咗好多酬勞去萬歲，始終係第一部劇，賺咗經驗，幾多錢都買唔番。」
