關智斌Ready露蛋蛋肉搏溫碧霞

溫碧霞拍情慾戲不需向老公備案，關智斌則表示會放膽演出。

藝人溫碧霞、關智斌（Kenny）、陳漢娜、陳煒及郭奕芯等，昨日出席英皇電影《墮落花》開鏡儀式。女主角溫碧霞透露飾演臥底，但後來染上不良嗜好，為角色減了4磅，與Kenny發展姊弟戀：「其實佢係收養番嚟嘅細佬，佢好細個已對我有感情，我對佢就有奇妙感覺。」並自爆與對方有情慾戲：「戲入面我有幾場大膽場面。（尺度去到邊？）未拍未知，但睇劇本都幾激，做演員係要放開自己。（同老公備案？）唔使啦，咁大個人，難得有咁好嘅機會，我會做好自己。」

心理變態重色慾

至於Kenny笑言角色表面是正人君子，但實際心理變態：「呢個角色比較重色慾。（咁益你？）所以都幾大突破。（同邊個多對手戲？）溫碧霞同郭奕芯。」問到會否像梁朝偉在電影《色，戒》露「蛋蛋」？他坦言：「未拍真係唔知，但我覺得拍咗先囉，最後出嚟唔啱可以剪，同埋有鏡頭遷就，拍時唔會就住就住，否則好難拍，所以奔放啲。」

陳漢娜預告露背

另一女主角陳漢娜透露飾演非一般少女：「角色由細到大都畀阿爸收埋，冇接受過正統教育，所以比外界嘅諗法另類，都好大挑戰。」又指與溫碧霞最多對手戲：「我哋都幾親密，會有肌膚之親。（即係同性戀？）又唔係。」雖然她沒有情慾場面，但有少少裸露：「劇本係寫背部全裸，但未知到時係點。（你接受背部全裸？）OK o架。」

陳煒有份演出《墮落花》。

陳漢娜（左）與郭奕芯誠心上香，祈求拍攝順利。