林宥嘉忙湊仔引爆正能量！
台灣歌手林宥嘉將於5月24至26日再戰紅館，舉行《林宥嘉idol世界巡迴演唱會》，為跟香港Fans有更貼地的互動，他預告將全程講廣東話，日前他接受專訪時率先進行「預演」，但竟自揭當中「詭計」，皆因演唱會期間不會經常發言！
林宥嘉去年7月底升呢做爸爸，講到首次以新身份開騷的心情，他表示表演者與創作人通常很容易產生負面情緒，惟做了爸爸後每日忙於湊仔，充滿正能量，他笑說：「希望話畀囝囝聽我係佢嘅偶像，反而我細個嘅時候，唔鍾意畀人話係佢哋嘅偶像，可能對『偶像』呢個Term唔太明白，但愈長時間做歌手，愈真係想變做Fans嘅偶像，畀佢哋力量。」
太太丁文琪與囝囝屆時也會前來捧場，問可想追個女湊夠「好」字？他坦言有想過，因為湊開可以一齊湊！