袁偉豪拒折腰：唔鍾意唔好睇囉！
近年常與網民駁火的無綫小生袁偉豪，日前被網民投訴合照後變臉「扮大明星」，他隨即在網上反擊，昨日出席活動時直言：「有人唔鍾意自己都冇辦法！」
向來有碗話碗的袁偉豪不時辣着火頭，繼去年在戲院叫觀眾進食細聲點、雙方繼而在網上互駁後，今年初女友張寶兒駕車時被爬頭兼舉中指，他即代出頭並公開該司機的車牌網絡公審。日前又有網民投訴他合照後變臉「扮大明星」，他隨即反擊：「你可以繼續用你嘅想法去想你對我（的）印象，但話說到最後我們是不相識！所以你沒有資格評論我的人品，最後我真的不是甚麼大明星，我只是一位演員，謝謝！」大批網友力撐他，直斥該網民：「同人合照之後還要一直照顧周圍人的情緒嗎？」、「係咪合照後要Keep住假笑一個鐘？」
又攰又亂想低調
昨日袁偉豪偕劇集《鐵探》拍檔惠英紅、張寶兒、王君馨、蔡思貝及梁競徽等在葵芳宣傳，對於被指「變臉」一事，他說：「唔係工作情況，自己都想低調，唔記得咩事，可能嗰日太攰，影完相個表情有少少變，加上環境有啲混亂，想影完就即刻離開。好多唔認識嘅人去斷定我人格，其實唔係咩大不了嘅事。今日收到嗰個網民嘅私訊，話明白我嘅出發點，唔好將負能量放大就好。」
喪父頂硬上開工
他自言EQ也有高低，心情不好的時候，看見負評也會不舒服：「有人唔鍾意自己都冇辦法，話我唔識演戲，又話唔鍾意我喺《鐵探》裏面。拍嗰陣我都咬實牙關，老竇都死埋，第三日已經開工，有一小撮人唔鍾意咪唔好睇囉！你有你嘅睇法，我亦都繼續自己嘅生活。」《鐵探》首集錄得7天跨平台總收視29.5點，是2018年以來黃金時段劇集首集收視冠軍。