今次超額完成兩位粉絲願望，其實心悠心裏面也有一大堆願望，隨住時間慢慢逐一實現，但芸芸願望當中，她不諱言其中一樣要靠他人之力才能完成，原來她從小到大的偶像是歌神張學友，惟多年來無緣看其演唱會：「每次都會有事令我去唔到睇，所以見人哋Po相會好羨慕，學友喺我心目中係完美嘅，希望有朝一日可以合作，就算冇得睇佢演唱會，去後台握吓手已好滿足！」
心悠笑指若真的有幸結片緣，欲與偶像一起查案，並由對方做上司，心悠還設計好劇情：「戲入面我成日受傷，學友次次都嚟救我，唔使加感情線畀我哋，佢係神嚟o架！喺我身邊就得o架啦！其實入行以嚟，只係喺張智霖演唱會度，佢做神秘嘉賓出現，我掂到佢隻手少少咋！相都冇影呀！」