阿嬌迷上手遊日日成千蚊打機

藝人鍾欣潼（阿嬌）前晚出席蔡卓妍新片首映，講到片中不乏情慾戲，已婚的阿嬌誇口指若有好題材，可嘗試演大膽戲份，問會否過到老公賴弘國一關？她說：「冇問呢啲嘢，都係做嘢！（佢承受到？）做嘢理佢吖！有機會接好角色唔容易，下下Say No不如唔好接，呢個係我工作。（佢係你人生伴侶喎！）我都會講，唔會偷偷做。（有冇試過接咗工作，老公叫你推？）又未遇過，試吓吖！做嘢唔可以咁，一句Say No不如唔好接。」
祖兒捧場，與楊受成夫婦及阿嬌合照。
祖兒捧場，與楊受成夫婦及阿嬌合照。

她坦言老公曾叫她匿屋企做人妻，但她認為沒有工作非常苦悶，自爆近日迷上玩手機遊戲，為了過關買武器，每日花上近百美元，問至今花費多少？她笑說：「我睇番啲短訊，一個道具都99蚊美金，玩咗個月，起初我冇買，但依家日日成千蚊，搞到今日都未掂個遊戲住，朋友話啲實物都叫做有件嘢，呢啲會喺空中飄走咗。（可以向公司申請做電競手喎！）佢哋嗰啲好難，我嗰啲太低能……得o架咩？」

阿嬌認為如果遇到好角色，可嘗試演大膽戲份。
  • 阿嬌認為如果遇到好角色，可嘗試演大膽戲份。