阿Sa首映冇叫男友：佢會驚！
藝人蔡卓妍（阿Sa）前晚出席主演電影首映，獲拍檔吳慷仁激讚，即使拍攝情慾戲亦很安心，阿Sa表示沒有叫男友石恆聰到場，之後或再相約睇戲。
由蔡卓妍及台灣影帝吳慷仁主演的英皇電影《非分熟女》前晚在港舉行首映，英皇老闆楊受成率領容祖兒、鍾欣潼（阿嬌）、吳浩康、衛詩雅、洪卓立及許靖韻等撐場，有份參與的郭奕芯及談善言亦性感上陣，場面熱鬧。
首次拍港片的吳慷仁揚言對票房沒甚壓力，因有拍檔阿Sa，更指今次拍戲獲益良多，雖然香港與台灣拍戲節奏不一樣，但阿Sa是位令人安心的演員，令他感到每天如開心地上課一樣。
讚拍檔吳慷仁好演員
阿Sa禮尚往來讚對方是好演員，問到被拍檔如此看重是否更添壓力？她笑說：「曾經試過成日好大壓力，搞到好多嘢做唔到，但人大咗最好嘅地方係會去紓緩自己壓力，同諗方法去解決。（有冇叫男友石恆聰嚟睇首映？）冇！咁多人，大家咁醒，實會見到佢。（拖手都影過啦！）唔小心啫！唔好彩，唔會突然公開場合囉！太多人佢會驚。（之後再包場一齊睇？）又唔使包場，唔知，或者會一齊睇啦！」
祖兒透露一直心癢癢買飛睇優先場，但為保持神秘及新鮮感，忍至首映才捧場。對於好姊妹有大膽情慾戲，問若有機會可會接拍？她說：「唔得，我啲演技只限拍卡通片同一級戲路，無啦啦咁高難度搞唔掂，又要顧個頭、表情，仲要膠紙呢！所以都係做番自己老本行唱歌啦！」她又指買重飛支持阿Sa角逐金像影后，現正商量慶功地點，問屆時會否陪實對方？她說：「唔好畀咁大壓力佢，喺屋企電視機前支持啦！得咗就即刻飛的出去。」