陳煒畀賊挾持鎅花下巴

陳煒自爆今次拍攝動作場面時，身體受創扭傷尾指。

前晚陳煒、黃心穎、譚俊彥、黃浩然、鄭希怡及郭子豪等，出席《法證先鋒IV》煞科宴，由陳煒做東，自掏腰包筵開十五席，非常有心，她說：「想答謝台前幕後工作人員咁辛苦，大家努力咗六個月。（預幾位數埋單？）五位數，因為餐廳老闆畀咗個好大優惠，最緊要大家食得開心。」問到是否如拍《宮心計2深宮計》般辛苦？她坦言：「咁又冇，今次始終係時裝劇，但我都有少少動作場面，有幕畀賊挾持，我都畀人畫花咗下巴同扭親尾指，上次《深宮計》就冇受傷，但心靈受傷，仲甩咗好多頭髮。」

至於黃心穎自言現時處於放假狀態，下套劇7月才開拍，會趁空檔去玩：「期間我會同黎諾懿去馬來西亞拍旅遊特輯。（着泳衣上陣？）我係唔會益佢個節目，自己旅行就會着。」並透露有意跟朋友或家姐到歐洲或北美旅行，賣甩男友馬國明：「好難等埋佢，同佢好難夾時間，佢拍到天昏地暗到時再算啦！咁多時間。」

郭子豪酒駕有陰影

而早前涉酒駕被捕的郭子豪透露現時一切回復正常，並已吸取教訓：「我依家都少開車，都會有陰影，當係一個應得嘅教訓，今晚都唔會飲酒。」

黃心穎（左起）、鄭希怡、黃浩然、譚俊彥及楊潮凱對於劇集煞科，大感不捨。

郭子豪直認現時揸車有陰影。