甄詠珊喊到慣
近年轉型拍戲的甄詠珊，其實從沒放棄歌唱事業，最近就親自監製新歌《難》MV，更自爆碌盡人情卡：「我一直好鍾意古箏演奏家李冠集間屋，因為佢好多傢俬都係英國運返嚟。雖然我識佢，但係唔熟，硬住頭皮問可唔可以借間屋畀我，點知佢一口答應，真係好開心！」
她邀請相識廿多年的藝人林雲中擔任MV男主角，直言貪其樣子夠壞。歌詞道出她對感情的看法，提到MV中歇斯底里地痛哭，她笑言拍劇試過狂喊，已喊到慣，學識如何避免弄花妝容。近日與公司約滿的她，感恩前公司仍願意為她出碟：「我同公司係好和平完結，佢哋都好好，履行合約幫我出碟。我唔續約係因為想闖吓，想喺無綫專心拍劇。」