孫慧雪獻Sing失眠爆瘡

首次以歌手身份亮相音樂節目的孫慧雪，前晚穿黑色Lace裙為無綫節目《流行經典50年》擔任嘉賓，坦言緊張到失眠兩晚兼爆瘡！她笑指本來打算帶歲半的囝囝入場，但因錄影廠不允許6歲以下的小朋友內進，同時擔心囝囝喊令自己分心，最後打消念頭。問到老公是否忠實歌迷？她笑說：「我每次演出佢都會睇，不過就冇讚過，可能想我進步。錄影之前佢打咗6、7次電話嚟，叫我放鬆唔好緊張！」
雪雪錄音樂節目，老公同佢一樣咁緊張！
雪雪錄音樂節目，老公同佢一樣咁緊張！

同場的鄭敬基穿螢光粉紅色西裝，打扮搶眼。講到剛播畢的劇集《福爾摩師奶》口碑不俗，飾演「陰司財」的他開心受觀眾歡迎：「有人讚我演得好陰濕，好開心！」再提到現時每晚凌晨重播《卡拉屋企》，他透露日前《卡》劇演員舉行聚會，又說：「每晚都一定會睇，睇唔到仲會上網追番，希望下次唔好隔咁耐再聚。」

鄭敬基呢身打扮超Sharp醒。
  • 鄭敬基呢身打扮超Sharp醒。