李施嬅螢光裙贏獎保住衣櫃
無綫花旦李施嬅前日出席有「加拿大奧斯卡」之稱的《2019年加拿大銀幕獎》（2019 Canadian Screen Awards），她憑當地劇集《Blood And Water》（血與水）第三季競逐女配角獎項，可惜最終不敵68歲英國資深演員Geraldine James。失落獎項的她坦言輸得心服口服：「佢喺英國、國際上都攞過好多獎項，知道佢參賽已經打定輸數，抱住享受心態參加頒獎禮。」
雖然失落女配角獎，她卻笑說有意外收穫：「好多人讚我條螢光裙，仲攞咗個非正式嘅最佳服裝獎，司儀宣布時仲叫我做『螢光裙女孩』，大家都讚我條裙，真係受寵若驚！以前胡說八道會班姊妹狠批我衣着，仲話要燒咗我個衣櫃，今次攞咗呢個獎終於洗脫污名喇，哈哈！」