惠英紅犯眾憎最滿足！
影后惠英紅、袁偉豪及蔡思貝等前晚出席劇集《鐵探》首播飯局，惠英紅指劇集內地點擊率走勢強勁，開播首10分鐘已達300多萬人次：「內地收視我唔擔心，我經常拍內地劇，反而緊張香港收視，因為我好耐冇喺香港拍劇，唔知香港觀眾仲接唔接受我！（角色做事不擇手段，怕唔怕觀眾憎你？）冇所謂，愈憎我愈開心！」
蔡思貝收視好乜都得
至於蔡思貝坦言內地點擊率高，為劇集打下強心針，期望香港收視有30點，問到若達成目標，會否穿三點式示人？她笑說：「大家都睇過啦！不過依家係女人味多咗。如果收視好，你哋有乜要求我都會做！」而袁偉豪表示一直很期待劇集播出，因為公司在資金、時間及製作方面投放了很多，自己亦為其中兩日戲刻意減掉20磅，他說：「我為工作可以不惜一切，但都要衡量身體健康。」
