郭藹明多煮意搵老公做白老鼠

影帝劉青雲老婆郭藹明與歌手菊梓喬昨日出席護膚品活動，郭藹明透露喜歡煮餸，不時發掘新食譜，會找老公做「白老鼠」試食。問到劉青雲對飲食是否奄尖？她笑說：「一時時啦，有時都會嫌棄，佢會好老實講整得好食唔好食，有時我聽到都會沮喪，但佢會解釋，希望我進步。」並讚老公是食神，對吃東西有獨特口味：「好似佢鍾意食硬啲嘅麵，有次我煮多咗3秒，佢都食得出話腍，但係佢都會食晒嘅。（咁佢會唔會下廚？）佢獨沽一味煎牛扒，牛扒就一定佢整，我超越唔到佢，情人節心形牛扒當然交畀佢啦。」