莊思敏讚合襯鍾舒漫送祝福

莊思敏對於舊愛吳浩康與崔碧珈（Anita）傳緋聞，她坦言認識女方，問到覺不覺二人相襯？她說：「靚仔靚女都襯o架，如果真嘅話，會祝福佢哋。（你覺得佢哋性格夾唔夾？）我好耐冇同吳浩康聯絡，唔知佢性格點。原本幾個星期前約Anita食tea，但我臨時有事冇去，之前亦冇聽過佢提拍拖啲嘢。（見到Anita尷尬？）隔咗N咁多年啦，點會呢！」
莊思敏
莊思敏

至於鍾舒漫大方向舊愛吳浩康送祝福：「雖然我未聽過，亦未見過佢哋一齊，但如果係真，我會送上祝福。（覺得意外？）唔會，世上乜都有可能。（向吳浩康了解？）唔會喎，如果問就好八卦。」提到男方曾表示想再追她，現在可有酸溜溜感覺？她說：「一啲都冇，戥佢開心就真。」

吳浩康曾表示想再追鍾舒漫。
  • 吳浩康曾表示想再追鍾舒漫。