陳小春日前在武漢舉行巡唱，開場時他以武漢話跟觀眾打招呼，穿上龍袍又唱又跳《算你狠》，打觔斗時因太過投入「蝦碌」整甩龍袍鈕扣，不過他即刻執生，觀眾未有察覺。
武漢正值櫻花季節，小春因忙於排練未能賞花，嘆謂：「抵達武漢要出席發布會及綵排，完全抽唔到空檔去影櫻花，只係坐車時匆匆望吓，成個城市都係櫻花，真係幾浪漫！」
