古仔家棟開工忍口練成「神仙肚」

由古天樂（古仔）及林家棟等主演的東方電影《P風暴》，前晚在銅鑼灣舉行首映禮，眾演員包括林峯、鄭嘉穎、周秀娜、譚耀文與陳曼娜等現身，場面熱鬧。鑑於該系列電影的第三集《L風暴》香港票房共錄得1,600萬，及在內地大收4.4億人民幣，難怪電影公司在首映禮上急不及待宣布8月開拍第五集《G風暴》。

身為男主角的古仔與家棟齊齊受訪，談到即將開拍新一集，古仔表示略有聽聞：「不過今次條橋好似好保密咁。」《P》片中，他在監獄被家棟與林峯兩幫勢力人士對付，期間不乏埋身動作場面，古仔坦言今次算是該電影系列拍得最辛苦的一次。

古天樂與林家棟笑言每當開工拍攝，自然會「節食」。	《P風暴》來勢洶洶，令戲迷期待。	譚耀文拿着道具警棍，即場與張繼聰等「犯人」交戲對峙。

談到兩人拍片時的奇怪習慣，古仔自誇未曾遇上腸胃不適或水土不服問題，但原來他平日開工不愛進食：「就算開24個鐘、甚至30個鐘都唔會食嘢！都係放工後食，有時會食番兩、三餐。」

周秀娜與陳曼娜悉心打扮出席首映禮。

陳曼娜

想捐軀做大體老師

家棟則自爆不愛上「陌生」廁所：「所以開工我盡量少食嘢。（你哋好似有特異功能咁！）所以我都諗緊做『大體老師』，做呢行要捱得。（離世後喪禮都冇喎？）人死後都灰飛煙滅啦！（唔怕畀人睇晒全相？）都要我有Feel先得，解剖時你唔畀我企番起身同佢哋Selfie？」

另外，戲中飾演林峯母親的陳曼娜表示，過去曾與不少無綫靚仔小生合作，唯獨林峯未演過其兒子，今次終於圓了心事，而下一個她想結「母子緣」的是另一男神張智霖。