陳瀅緬甸開飯一手搞掂
藝人陳瀅日前跟慈善機構到緬甸探訪山區孤兒及學童，一連多日的行程，感觸良多，亦給她多個第一次體驗。她受訪時說：「原來一班小朋友對我嘅感染同啟發仲大，佢哋係孤兒，我每日同佢哋玩啲好簡單嘅嘢已經好開心，我返到嚟香港，佢哋令我覺得，好多都市人嘅問題其實唔係一個大問題，佢哋每日仲諗緊：『聽日點應付生活？將來有乜希望？』所以我好想帶番啲訊息畀身邊朋友，有時我哋嘅問題其實好小事，應該更加關注真正有需要幫助嘅人。」
慶幸冇水土不服
始終是第一次去緬甸，陳瀅坦言出發前有點擔心：「初時諗過打唔打預防針，但驚發燒，所以冇打，好彩今次冇事，但身邊嘅工作人員有啲又屙又嘔，可能食物未必太適應，緬甸食嘢係用手食，冇任何餐具，我都係第一次試，佢哋煮飯係用一大塊葉，啲餸放側邊，飯就放中間，然後先攞飯再攞餸，全部用手攞，但係幾好食嘅！」
