蔡思貝 余德丞傷兵要留力

無綫藝員蔡思貝與余德丞昨日在油麻地出席帝舵錶活動，並跟欖球員接受基本訓練，認識欖球運動。余德丞去年踢波時因心臟停頓而昏迷入院，活動上刻意留力，他說：「都有少少就住，今次係事發後第一次玩球類運動，自己都好耐冇跑，暫時唔可以做劇烈運動，已經唔使覆診，醫生亦冇話幾耐先可以完全復原，逐步逐步嚟啦。」蔡思貝亦因腳趾骨裂，運動時受限制，她說：「骨裂都係啱啱埋口，因為個位打唔到石膏，要等佢慢慢好。」問到可會約余德丞一起做運動？她笑說：「同我一齊成日笑已經係最好嘅運動，笑到有腹肌！」