Mr.重燃鬥心5月紅館開騷
樂隊Mr.入行10周年，將於5月踏上紅館開騷，五子坦言成功攞期鬆一口氣︰「難得我哋5個人一齊再開騷，離開之前唱片公司，有段時間搞到我哋之間嘅氣氛唔好，有少少怕咗夾Band，但沉澱咗一段時間大家個心都有啲癢。」突如其來的開騷機會，令Mr.重燃夾Band之火，亦因此更加了解︰「決定每樣嘢都要有好嘅溝通，出到嚟嘅結果好定唔好都要承擔。」
提到主音Alan、成員Tom及Dash已為人父，問到開騷時有否親子環節？Tom笑言平時已經好多，Alan則大爆囝囝Adam恨上台︰「綵排嘅時候可以畀佢上去感受吓，邊有咁容易就可以上大台？梗係要畀佢努力吓先。」Dash認同說︰「我哋花咗好多時間先行到呢步，雖然我個女得4個月大，但都會帶佢去打卡。」
場地：The Stadium