李靄璣唔諗前途陪林奕匡抗負
主力在司儀界發展的李靄璣，不斷自我增值，力證身份並非只是「林奕匡老婆」！她坦言婚前與林奕匡曾爆人生最大一次冷戰，最終雙雙捱過老公的事業低潮。
李靄璣（Rikko）近年在司儀界闖出一片天，漸漸搣甩「林奕匡老婆」標籤，對於外界指她靠老公的名氣才能接到司儀工作，她一笑置之：「我唔會有Hard Feeling，但會有少少想笑。啲人以為做司儀係咪好容易(口架)！其實大家未認識佢係林奕匡之前，我已經做緊活動司儀。我覺得唔需要特別去澄清啲乜，如果我繼續喺度發展，已經證明我真係有實力。」
上堂增值 唔靠老公
在加拿大長大的她本已精通兩文三語，為成為樣樣精的主持，她更特地上堂進修普通話：「今年目標係將普通話提升，我搵咗個老師One On One練習。其實我本身都識普通話，只不過想更加流利同準確，希望做到字字鏗鏘。」做主持並非易事，Rikko直言以周子駒為目標：「真心嗰句，香港都有好多好出色嘅男女司儀，喺男司儀當中，我好欣賞周子駒Cyrus，佢成個Presentation好好，同埋好大方得體。」
她與林奕匡人前人後都相當恩愛，她透露二人甚少吵架，但當然亦遇過碰撞：「我哋人生最大一次嘅冷戰，係2014年當佢嘅事業去到好樽頸嘅低谷，並唔係我介意佢有冇前途嘅問題，而係佢本人好負面。結婚之前，我哋已經同居一段長時間，香港地方又唔係大，當另一半情緒好負面時，好明顯一定會有摩擦。」
髮型：Chris Ho@MiniG Salon
場地：Mini Hotel Central