聽講佢好型！Mino想搵阿倫合作
韓國男團WINNER成員Mino（宋閔浩）前晚在港出席公開活動，問到最想與哪位香港藝人合作，他表示最希望與「樂壇校長」譚詠麟（阿倫）合作，他透過翻譯說：「身邊年紀大啲嘅朋友同我講，香港有個藝人好型，嗰個就係譚詠麟，可能未必有機會合作，我都知道好難，但如果有機會都想。」
此外，他透露平日喜歡畫畫，至於靈感從哪裏來？他說：「喺創作音樂上都會有，有時靈感都係一瞬間。（鍾意影相定畫畫？）呢個問題好難答，要睇情況，如果天氣好好，當日會好想用攝影去表達。」問會否舉行畫展或攝影展？他說：「雖然冇實質計劃，但好期待有呢一日。（順便喺香港睇藝術品？）今次行程有啲緊密，希望下次有機會。」
