陳煒Big爆婚紗 朱晨麗露背輸凸
與郭子豪合作《法證先鋒IV》的一班主要演員陳煒、黃心穎、朱晨麗、李施嬅、黃浩然、譚俊彥、鄭俊弘與鄭希怡等，前晚拍攝結局婚紗戲，露口風指大團圓夠開心。陳煒的婚紗Look將事業線推上高「峰」，「陪嫁」的心穎同樣「晒線」，朱朱則露背搶Fo。
陳煒笑言監製梅小青可能知道她們恨嫁，特登安排這場戲一嘗着婚紗滋味。朱朱笑言將來揀婚紗都要問另一半及父母意見，陳煒即笑問：「咁揀老公都要問准父母？」她笑說：「梗係要啦！（帶過緋聞男友何廣沛見父母？）公開場合見過，都讚佢乖仔嘅。」反提議對方揀番個小鮮肉，陳煒卻坦言最多接受年紀相距五年。至於心穎表示沒有因而有結婚衝動，曾着過多次婚紗行騷：「可能到我真正着婚紗，會揀啲好簡約款。」又指計劃煞科後去旅行，男友馬國明開緊新劇，兩人已一星期冇見面。
