叱咤90年代的英國經典女子組合辣妹（Spice Girls）將於5月重組開騷，向來語出驚人的成員Mel B，自爆曾與隊友Geri Halliwell上過床，發生性關係！
現年43歲的Mel B上周五接受名嘴皮爾斯摩根（Piers Morgan）訪問，被問到有否試過與Geri上床？她竟回答話有：「佢會好憎我爆料！但其實冇乜嘢，只係突然發生咗，我哋事後都有笑。我哋係最好嘅朋友，就只此一次！」她又指這是辣妹之間的秘密：「我依家講咗，佢會殺咗我！佢老公都係。」但她希望Geri不要否認，因為這是開心事！
除了爆出與Geri上床外，Mel B在訪問中亦自揭與另一成員Mel C「舌戰」過，但堅持那次只係想測試一吓戴新脷環下咀嘴有何感覺，並非「色慾之吻」。據知，當時她的19歲女兒Phoenix、Mel的妹妹及母親都在錄影廠直擊！爆料後，她驚得即時致電Geri道歉。
查實過往Mel B在訪問中多番暗示辣妹時期與隊友玩得瘋狂，有次被問到有否與其他隊友同床，她當時回答：「你指性交或只係一齊同床？我同佢哋每個人都喺同一張床瞓過。」雖然Geri未有回應，但她曾在訪問中自爆曾與一名女子「有少少同性戀的狀況」，但拒絕透露對方身份：「我唔會講我哋做過乜，只可以講我當時飲醉咗。」