奧斯卡金像影后珍妮花羅倫絲（Jennifer Lawrence）出名貪玩，上周五便相約英國樂壇巨肺Adele一齊夜蒲同志酒吧！兩人邊睇人妖騷邊玩，結果惹來全場哄動，酒客紛紛拍照拍片放上網。兩人上台玩「Musical Shots」飲酒遊戲，Adele被夜店的易服主持問到現以甚麼維生？她說：「查實喺呢個Moment，我係湊仔嘅家庭主婦。」她在遊戲中被擊敗，疑似飲大咗的珍妮花即推低她並質問：「你點可以輸0架！」至於當珍妮花勝出後，向來爛口的Adele即大嗌：「你訂X咗婚，你唔應該喺度！」