歌手鄧小巧昨日舉行簽唱會，日前她剛結束十日芬蘭之旅回港：「做咗兩首歌同拍咗其中一首歌嘅MV，拍攝三日有八成時間都係外景，仲要零下着夏天裝束，我諗美術部同事太憎我，去沙漠就着羽絨，去芬蘭就着咁薄！」又指難得可以與藍奕邦、馮穎琪及當地製作人困於錄音室五日埋首創作：「困獸鬥咁互相踐踏大家嘅創作，個交流迸發出嚟嘅火花令到成件事好精彩，返到嚟香港搵唔番個氛圍都唔知點算，好想再去多次。」
