濱津隆之客串被滅聲孖劉漪琳鬥戲

劉漪琳（中）在450名招募者中脫穎而出，與濱津（左）及和泉鬥戲。

曾根剛向王家衛致敬

而導演曾根剛對香港充滿情意結，特意選在舊區取景，像鰂魚涌的海山樓及廟街等，全片更以廣東話為對白：「香港舊的建築物不斷拆掉，5、6年後再來會變得更多，所以要馬上拍。我好鍾意王家衛的電影，參考好多佢嘅作品，但其實拍唔到，只好轉第二個風格。」由於在港不認識人，只好在網上找演員，找得在港生活多年的和泉素行做男主角，而兩位女主角陳漢娜和劉漪琳，則是從450名招募者中選出：「兩個係古典與現代之間嗰種氣質，好啱拍呢套戲。」

和泉素行捱足13年

至於演死神的和泉素行首任男主角，大感興奮說：「我嚟咗香港13年，第一次主演電影可以用廣東話演繹，好感激。最難嘅地方係語言問題，未試過講咁長嘅廣東話對白，要比香港演員用更多時間死記入腦，比較吃力。」而演「黎小町」的劉漪琳，坦言因不懂日文，與日本工作人員溝通有點困難，但會盡力克服：「喺戲入面要飾演年紀較老嘅角色，因為角色會變老，係一次有挑戰性嘅嘗試。」

和泉素行（右）感激導演曾根剛提攜。

濱津隆之（左）首次來港做串星感興奮。